Една од важните улоги која МЕД ја има на национално ниво е да обезбеди стручна поддршка на релевантните владини институции преку директно вклучување во процесот на изработка или давање коментари при изработката на различни стратешки документи и законската регулатива за заштита на природата и животна средина. Анализа на усогласеноста на националното законодавство со законодавството на Европската Унија, јакнењето на капацитетите кај различни чинители, како и обезбедувањето научни податоци и експертска поддршка во спроведувањето на обврските од европското законодавство од областа на заштита на природата (особено двете најзначајни директиви на ЕУ за птици и за живеалишта) се дел од активностите на оваа програма. Како дел од програмата МЕД активно се вклучи и во процесот на ревизија на Националната стратегија за биолошка разновидност со акциски план (НСБРАП) и изработка на Петтиот национален извештај кон Конвенцијата за биолошка разновидност (КБР). Учествуваме и во процесот на изработка и донесување стратешки и плански документи од други релевантни области (како што се Стратегијата за органско производство и Стратегијата за животна средина и климатски промени) како и обезбедуваме коментари и предлози за измени и дополнувања на релевантни закони и подзаконски акти.
МЕД учествува и во работата на Комитетот за следење на програмата ИПАРД во Македонија уште од 2011 година. Оваа програма е тесно поврзана и е во корелација со останатите програми на МЕД.
[vc_row][vc_column][vc_column_text css=”.vc_custom_1524235356046{margin-bottom: 0px !important;}”]Времетраење: 2013–2015 г. Финансиер: ГЕФ, спроведуван преку Програмата на Обединетите нации за животна средина (УНЕП) канцеларија во […]
