При овој чекор од проектот се соочивме со предизвици, за чие надминување беше потребно многу учење и теренска работа, меѓутоа со одлична тимска соработка, го постигнавме посакуваниот резултат. Во оваа фаза се спроведоа теренските активности за да се определи типот на живеалиште. Паралелно со теренските истражувања, се одвиваше и детерминацијата на претходно собраниот материјал. Детерминираните растенија се од фамилиите: Cyperaceae, Juncaceae, Orchidaceae, Poaceae, Saxifragaceae, Crassulaceae и Boraginaceae. Значајно е да се нагласи дека растението е регистрирано на уште еден локалитет – Алчак.
Ако се земе предвид дека типот на живеалишта што ги населува ова растение денес се силно зафатени од антропогени активности, меѓутоа и од изразените климатски промени, може да се заклучи дека овој реликтен вид може лесно да исчезне од флората на нашата земја. Имајќи ги предвид информациите за сѐ поинтензивни антропогени активности на Кожуф, преземањето на мерки за заштита на папратот стануваат императивни.