Тринаесет години по ред, во викендот на 15 и 16 јануари 2022 г., вработени и волонтери од МЕД спроведоа броење на птици на трите природни езера во Македонија, вклучувајќи ги околните акумулации и водните станишта. Пандемскиуте услови беа ограничувачки фактор за учество на поголем број на учесници, но 9 вработени, членови и соработници на МЕД успешно го спроведоа Зимскиот цензус на водни птици во Македонија. Вкупно беа избројани околу 20.500 птици на Охридското езеро, околу 8.000 птици на Преспанското Езеро и околу 7.000 птици на Дојранското Езеро.
На трите езера и на другите водни тела забележаните единки припаѓаат на околу 30 различни видови птици, од кои поголем дел се чести видови птици кои презимуваат на овие водни тела. Најголемо изненадување беше малата бројка на избројани птици на Преспанско езеро, која сметаме дека е резултат на неколку фактори – релативно високите температури за овој период од годината и промените во крајбрежниот појасн на езерото предизвикани од флуктуациите на водната маса на езерото во последните неколку години.
Зимскиот цензус на водни птици е најмасовното и најдолготрајно волонтерско пребројување птици во светот, со традиција уште од 1967 година. Предводен од Меѓународната организација за водни станишта (Wetlands International) и во соработка со бројни локални организации, овој настан стана во клучен извор на информации што се од суштинско значење за креирањето политики поврзани со управувањето и заштитата на водни станишта.
Целосниот список на набљудувани видови на птици следи под овој текст: 
Аlcedo atthis
Anas acuta
Anas crecca
Anas platyrhynchos
Anas querquedula
Anas strepera
Ardea alba
Ardea cinerea
Aythya ferina
Aythya fuligula
Bucephala clagula
Chroicocephalus ridibundus
Cinclus cinclus
Circus aeroginosus
Cygnus olor
Egretta garzetta
Fulica atra
Galinulla chloropus
Gavia arctica
Gavia stelatta
Larus michachellis
Mareca penelope
Mergus merganser
Microcarbo pygmaeus
Motacilla alba
Motacilla cinerea
Netta rufina
Pelecanus crispus
Pelecanus onocrotalus
Phalacrocorax carbo
Podiceps cristatus
Podiceps nigricollis
Tachybaptus ruficollis
