Млади еколози

ПРОГРАМА ЗА ПОДДРШКА НА МЛАДИ ЕКОЛОЗИ „д-р Љупчо Меловски“

Во рамките на програмата „д-р Љупчо Меловски“ спроведуваме јавен повик за доделување на грантови на млади еколози. Овие грантови се однесуваат на едногодишни проекти со силна истражувачка компонента и со следните цели:

• Поддршка и мотивирање на работата на млади еколози,
• Подигнување на јавната свест,
• Промовирање на екологијата како наука,
• Подобрување на заштитата на животната средина,
• Проучување и заштита на биодиверзитетот и природата.

Досега програмата е спроведена три пати. Во 2009^та и 2010^та Македонското еколошко друштво поддржа 30тина млади еколози. Многу од овие студенти и младите ентузијасти сега работат во областа на научно истражување и/или заштита на животна средина во граѓански организации (меѓу кои и МЕД) и академски институции на локално и меѓународно ниво. Ваквите резултати се индикација за постигнување на главната цел на програмата, односно МЕД обезбеди сериозна поддршка кон градењето на национални еколошки капацитети. Постоењето на овие капацитети е сериозен исчекор кон постигнување на стратешките цели на организацијата, но и кон поддржување на европските аспирации на нашата држава.

Земајќи го сето ова предвид, ни претставуваше огромно задоволство што една деценија подоцна (2020^та) бевме повторно во можност да ја спроведеме оваа програма со финансиска помош од Sigrid Rausing фондацијата. Програмата сега го носи името „д-р Љупчо Меловски“ во чест на нејзиниот иницијатор во 2009^та, а воедно и еден од најпознатите Македонски еколози, и долгорочен претседател на МЕД.

Лице за контакт: Драган Арсовски arsovski@mes.org.mk