Раководителката на секцијата Млади еколози, Марија Чобанова, денеска одржа одлично предавање со наслов „Тресетишта: Скриениот сојузник во борбата против климатските промени“.
Таа во своето предавање, освен досега познатата теорија, презентираше и сознанија кои ги има стекнато преку нејзината истражувачка работа, а даде предлози и за идни активности, како што е мерењето на емисии од тресетиштата.
Во Биолошкиот амфитеатар при ПМФ, присутни беа речиси 40 членови, од сите секции на МЕД, кои можеа да ги прошират своите знаења за тресетиштата.
