Првиот Конгрес на еколозите на Македонија со меѓународно учество, беше организиран и одржан во Охрид, од 20-24 септември 1998 година. Пленарните предавања се објавени и отпечатени во Книга на пленарни реферати. Согласно темата и полето на истражување, учесниците преку своите трудови ги прикажаа резултатите и научните достигнувања групирани во 10 работни еколошки секции и тоа:
- Терестрични екосистеми,
- Акватични екосистеми,
- Биодиверзитет, негова заштита, унапредување и рационално искористување,
- Агроекологија,
- Еколошки мониторинг,
- Загадување на животната средина и екотоксикологија,
- Екологија на населените места,
- Системи и мерки за заштита на животната средина,
- Екологија и општеството и местото на институциите во системот и невладините организации,
- Еколошко образование и воспитание.
Своето учество на Конгресот го пријавија повеќе од 200 учесници од Југославија, Хрватска, Бугарија и Македонија. Беа презентирани вкупно 177 научни трудови. Од нив, само 97 комплетни трудови беа објавени и испечатени во двата тома на Зборникот на трудови – I Конгрес на еколозите на Македонија со меѓународно учество.
Од презентираните резултати и покажан интерес од учесниците, очигледно е дека во Македонија и регионот, во дадениот период интензивно се спроведувале еколошки истражувања на екосистемско ниво, но постои и се поголем интерес за причините за загадување на животната средина.
