Македонското еколошко друштво од Скопје во соработка со Plantlife International, од Велика Британија започна со реализација на ИПА проект со наслов „Поврзување на луѓето со природата – зајакнување и вмрежување на граѓанските здруженија во Македонија“.
Главната цел на проектот е вклучување на македонските граѓани како волонтери за заштита на природата; преземање акции кои би придонеле кон имплементација на ЕУ регулативите за зачувување на мрежата Натура 2000.
Целта на воведниот состанок беше запознавање на партнерите со проектот воопшто и со предвидените детални активности како и техники за работење со волонтерите (регрутурање и задржување), подобрување на комуникацијата, споделување на идеи за настани и активности. Средбата беше искористена и за меѓусебно запознавање на сите учесници од партнерските организации.
Проектот ќе се спроведува до август 2015 година со активности во подрачјата: Осогово, Шар Планина, Илинска-Плакенска Планина и НП Пелистер.
Проектот е финансиран од Европската Унија – EuropeAid и кофинансиран од PlantLife.
