Author: admin

Црвената листа на загрозени видови на IUCN сега има 361 нови видови на птици кои претходно се сметале за подвидови. Нивниот статус го оцени BirdLife International и дојде до загрижувачкиот заклучок дека над 25% од овие новопризнаени видови на птици се оценети како загрозени според Црвената листа на IUCN, со што тие стануваат итни приоритети за зачувување.

Така на пример, досега се препознаваше само еден вид на ној и тој беше оценет како незасегнат. Но, сомалискиот ној Struthiomolybdophanes, кој може да се најде во Сомалија, Етиопија, Џибути и Кенија, сега се препознава како одделен вид и се смета за ранлив. Се смета дека неговата популација е во рапидно опаѓање поради лов, собирање на јајца и убивање. Неговиот статус може да се влоши доколку не се преземат активности за зачувување.

„Овој вид ја истакнува потребата за подобро познавање на светските птици и потребата за конзервациски мерки во некои од најнепристапните места на Земјата“, изјави Анди Сајмс, Директорот за видови на птици на BirdLife.   Првиот дел од таксономско дефинирање беше фокусиран на птици грабливки, морски птици, водни птици и бувови и сега се знае дека постојат 4,472 вида т.е. се забележува дека претходните класификации на птици ја потцениле разновидноста на птичји видови за повеќе од 10%. Вториот дел ќе биде фокусиран на песнопојни птици.

Новите критериуми за квалификување на видови на птици носат и дополнителна прецизност која ќе обелодени кои места се најзначајни за птиците, природата и луѓето- места на планетава кои итно треба да се заштитат и зачуваат.   Покрај оценувањето на состојбата на новопризнатите видови на птици, Црвената листа на 2014 дополнително го разгледува и статусот на познатите видови на птици. Благодарение на успешните конзервациски мерки, брадестиот мршојадец се враќа во Европа но на глобално ниво неговата популација се намалува заради труење, нарушување на живеалиштата и судирите со далекуводи, поради тоа неговиот статус е променет од незасегнат во скоро загрозен.

„Црвената листа е од критично значење не само за идентификацијата на видови на кои им се потребни насочени активности за заштита туку и за фокусирање на конзервациските активности низ светот преку идентификацијата на клучни подрачја и живеалишта кои треба да се зачуваат, вклучувајќи ги Значајните подрачја за птици и биолошка разновидност“, изјави Бачарт. „Новата Црвена листа за птици од 2014 година ќе ни помогне да ги поставиме приоритетите за идни конзервациски мерки.“

Црвената листа на загрозени видови на IUCN сега има 361 нови видови на птици кои претходно се сметале за подвидови. Нивниот статус го оцени BirdLife International и дојде до загрижувачкиот заклучок дека над 25% од овие новопризнаени видови на птици се оценети како загрозени според Црвената листа на IUCN, со што тие стануваат итни приоритети за зачувување.

Така на пример, досега се препознаваше само еден вид на ној и тој беше оценет како незасегнат. Но, сомалискиот ној Struthiomolybdophanes, кој може да се најде во Сомалија, Етиопија, Џибути и Кенија, сега се препознава како одделен вид и се смета за ранлив. Се смета дека неговата популација е во рапидно опаѓање поради лов, собирање на јајца и убивање. Неговиот статус може да се влоши доколку не се преземат активности за зачувување.

„Овој вид ја истакнува потребата за подобро познавање на светските птици и потребата за конзервациски мерки во некои од најнепристапните места на Земјата“, изјави Анди Сајмс, Директорот за видови на птици на BirdLife.   Првиот дел од таксономско дефинирање беше фокусиран на птици грабливки, морски птици, водни птици и бувови и сега се знае дека постојат 4,472 вида т.е. се забележува дека претходните класификации на птици ја потцениле разновидноста на птичји видови за повеќе од 10%. Вториот дел ќе биде фокусиран на песнопојни птици.

Новите критериуми за квалификување на видови на птици носат и дополнителна прецизност која ќе обелодени кои места се најзначајни за птиците, природата и луѓето- места на планетава кои итно треба да се заштитат и зачуваат.   Покрај оценувањето на состојбата на новопризнатите видови на птици, Црвената листа на 2014 дополнително го разгледува и статусот на познатите видови на птици. Благодарение на успешните конзервациски мерки, брадестиот мршојадец се враќа во Европа но на глобално ниво неговата популација се намалува заради труење, нарушување на живеалиштата и судирите со далекуводи, поради тоа неговиот статус е променет од незасегнат во скоро загрозен.

„Црвената листа е од критично значење не само за идентификацијата на видови на кои им се потребни насочени активности за заштита туку и за фокусирање на конзервациските активности низ светот преку идентификацијата на клучни подрачја и живеалишта кои треба да се зачуваат, вклучувајќи ги Значајните подрачја за птици и биолошка разновидност“, изјави Бачарт. „Новата Црвена листа за птици од 2014 година ќе ни помогне да ги поставиме приоритетите за идни конзервациски мерки.“

Македонското еколошко друштво заедно со партнерите од Бугарија, Бугарската фондација за биоразнообразие, во рамките на Осоговските Планини во Балканскиот зелен појас организираше обука за сертификација, зачувување, одржливо искористување и управување со шумите во Ќустандил, на која присуствуваа дваесетина учесници од двете држави од шумските стопанства, ЈП Македонски шуми, Шумарските факултети од Скопје и Софија, Дирекцијата за управување со горите на Бугарија, додека претставниците од Министерството за земјоделство, шумарство и водостопанство го откажаа своето присуство. Во текот на обуката експертите за сертификација на шумите од Бугарија го презентираа концептот за шумска сертификација, основните придобивки од примената на инструментот, шемите и стандардите во сертификацијата (по PEFC и FSC), како и самиот процес на сертификација и контрола. Основната идеја на обуката беше да се претстават придобивките од одржливото стопанисување со шумите со цел подоцнежно спроведување на стандардите.

Во рамките на проектот „Развој на капацитети за заштита на преселните патишта на птиците во Медитеранот “, организираше две еднодневни работилници на тема „Птиците и одржливите земјоделски пракси – преглед na домашни и странски искуства“ во два од најзначајните земјоделски региони во Македонија – Овче Поле и Пелагонија

Целта на овие работилници беше поставување на добра платформа за размена на искуства меѓу сите заинтересирани владини институции, локални организации и агенции за рурален развој, големите земјоделски комбинати од двата региони, како и индивидуалните земјоделци за значењето на одржливите земјоделски пракси при заштитата на птици.

Во секторот земјоделство, Европската унија ги воведува агро-еколошките мерки и дефинирањето на земјоделските подрачја со висока природна вредност како начин да го унапредува земјоделството кон квалитетно и економски исплатливо производство, кое истовремено ќе ја поддржува и промовира заштитата на биолошката разновидност. Македонија како земја која претендира кон членство во ЕУ има обврска да се подготвува кон примена на овие мерки.

Конкретните предавања беа насочени кон содејството на одржливите земјоделски пракси и заштитата на птиците, кон што свој придонес дадоа предавачите од Бугарското друштво за заштита на птиците (БДЗП, BirdLife Бугарија) и од Асоцијацијата БИОМ од Хрватска.

Презентациите од предавањата превземете ги овде и овде.

Неделата, на 22 јуни 2014 година, во селото на штрковите Чешиново, се одржа уште еден настан за промоција на осоговскиот регион.

Ова е продолжение на настанот за промоција на Осогово, кој се одржа на Пониква, минатата година. Овој пат, имаше две велосипедски тури, од Пробиштип и Кочани, кои се сретнаа во селото Рајчани, од каде продолжија до собирот во Чешиново. Во селото на штрковите, под најголемото гнездо на штрк во Македонија, имаше околу 150 луѓе од Крива Паланка, Кратово, Пробиштип, Кочани и Чешиново Облешево, од различни невладини организации и здруженија кои ја презентираа нивната работа, традиционалната храна, музика и занаети од регионот. На настанот имаше игри за деца, во рамки на штандот на Општината Чешиново Облешево, кои воедно го одбележија и Денот на штрковите.

Во организацијата на настанот беа вклучени следните организации: Спортски клуб – Електрика, Велосипедски клуб Поскок, Планинарско спортско друштво Осогово, Слоуфуд Осогово, Велосипедски клуб – Зелени патеки, Здружение на пчеларите – Пчела, Здружение на земјоделци – Машински круг, планинарскиот водич од Крива Паланка Стојанче Величковски, Општина Чешиново Облешево и Македонско еколошко друштво (МЕД).

Идејата за ваков настан започна на една работилница за невладини организации, во рамките на проектот „Прекуграничен Биосферен резерат Осогово“, со цел различните организации од регионот да ја засилат меѓусебната соработка.

This Sunday, on 22 of June, 2014 year, in the stork village Cheshinovo, it was organized an event for promotion of the Osogovo region.

This event is continuation of the promotional even that was held last year at Ponikva, that was initiated at one workshop with the Nongovernmental organization from the region, through the project ‘’Creation of a Transboundary Biosphere Reserve Osogovo between Bulgaria and Macedonia’’, with a goal the mutual collaboration to be strengthen.

The organization of the event was done by the following organizations: Sport club Elektrika, Cycling club Poskok, Hiking club Osogovo, Slowfood Osogovo, Cycling club Zeleni Pateki, Beekeepers association Pcela, Agricultural association Mashinski krug, hiking guide from Kriva Palanka Stojanche Velichkovski, Municipality Chesinovo – Obleshevo and Macedonian ecological society.

Македонско еколошко друштво на 3 јуни 2014 година ја организираше Третата работилница за традиционално користење на природни ресурси – подготовка и управување со проекти во Струга.

Оваа работилница се организираше во рамки на проектот „Подобрување на прекуграничната соработка и развој на планинскиот масив Јабланица-Шебеник преку активна вклученост на локалното население“, финансиран од ИПА програмата за прекугранична соработка меѓу Македонија и Албанија на Европската Унија, којшто Македонското еколошко друштво (МЕД) го спроведува во соработка со партнерски организации од Албанија и Германија.

Учесниците на работилницата имаа можност да се стекнат со искуства и знаења кои понатаму ќе им овозможат соодветно да се справат со пишување и управување на проекти поврзани со заштита на природата, промоција на природните вредности на подрачјето и одржливо искористување на природните ресурси.

Работилницата беше можност учесниците да се обучат како да поднесат успешен предлог проект на повикот за мали грантови за Јабланица којшто МЕД ќе го објави наесен. Најдобрите предлог проекти ќе бидат финансиски потпотмогнати од страна на МЕД, односно од Програмата за закрепнување на балканскиот рис.

Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија