Во склоп на обуката за лидери во заштитата на животната средина НатуРегио_Балкан која се спроведува од страна на германската академија за еколошка едукација NNA, се реализира индивидуален проект со наслов „Обновување на влажните живеалишта во Моноспитовско Блато преку одржливо користење на обновливите ресурси (трската, Phragmites australis) како био-гориво“.
Главната цел на проектот е да го поттикне локалното население да се врати на старата пракса и повторно да ја користи трската од Моноспитовско Блато за потреби во домаќинството и за огрев преку подготвување на брикети од растителен материјал (трска). Одржливото користење на трската од една страна обезбедува корист за локалното население преку користење и продажба на продукти од трска и рогоз, извор на топлинска енергија (согорување), а од друга страна е корисно и за самото Блато каде се обезбедува чист простор за одредени растителни и животински видови, се прочистуваат водата и почвата во блатото, се штедат околните шуми и т.н.
Проектот предвидува конструкција на пет едноставни рачни преси од дрво кои може едноставно да се реплицираат. По една преса ќе биде доделена на секоја месна заедница на селата: Моноспитово, Банско, Габрово, Колешино и Бориево. Детали за изработка на пресите и начинот на приготвување на брикети од трска и останат растителен материјал можат да се најдат тука.
Во рамки на проектот беше подготвено кратко едукативно видео за одржливото користење на трската кое може да го погледнете.
