Category: Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население

Со саем на еколошки производи од пограничните општини во Македонија и Албанија, традиционална музика, видео презентации и традиционална храна беше заокружен прекуграничниот ИПА проект „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ на 16 април 2015 година во Струга.

МЕД заедно со ППНЕА од Албанија и Еуронатур од Германија го спроведуваше овој проект вкупно 20 месеци во шест погранични општини во Македонија и Албанија со единствена цел за подигнување на јавната свест за одржливо користење на природните ресури, негување на традиционалните дејности, но и детектирање на проблемите коишто произлегуваат од прекумерно користење на ресурсите како дрвото, дивечот, водата, лековитите растенија и печурките.

Во рамки на едукативните активности овој проект вклучи над 200 лица од пограничните општини и од различни таргет групи, оствари добра соработка со општините и доби поддршка од шест градоначалници од Македонија и Албанија за идно правилно менаџирање на прекуграничниот масив Јабланица-Шебеник и соодветна заштита на природните ресурси. Покрај ова тимот на проектот изработи и бројни промотивни едукативни материјали за планинскиот масив Јабланица-Шебеник.На настанот во Струга учествуваа градоначалниците на Општина Струга и Општина Вевчани како и над 100 учесници од Македонија и Албанија.

Овој проект се спроведува со финансиска поддршка на Европската Унија

30-тина студенти од Македонија и од Албанија од 24-30 август 2014 година во Фуш Студен, Албанија учествуваа на летен студентски камп организиран во рамки на ИПА прекуграничниот проект „Подобрување на прекуграничната соработка и развој на планинскиот масив Јабланица-Шебеник, преку активна вклученост на локалното население“.

Студентите имаа можност во текот на седумдневниот камп да се запознаат со природните вредности на Националниот Парк Јабланица-Шебеник, како и да научат нешто повеќе за загрозените видови на Балканот (цицачи, габи, растенија и инсекти).

– Се што доживеавме во Фуш Студен за мене беше незаборавно, посебно уживав во прошетките низ планината или подобро речено низ патеките коишто ги користат и дивите животни како мечката, рисот, дивата свиња…) што за мене беше прекрасно искуство, вели Алтина Исмаили, дипломиран еколог од Струга.

Според Борис Најдовски, постдипломец на Шумарскиот Факултет во Скопје ваквите обуки се многу важни за младите студенти коишто студираат природни науки.

Во националниот парк Јабланица-Шебеник имавме можност да се запознаеме со богатиот биодиверзитет и важноста на мерките за конзервација. Сметам дека ваквите активности се посебно важни за развивање на еколошката свест и вмрежување на младите од разни професии за заштита на природата. Сите ние ќе го пренесеме позитивното искуство што го имавме на Шебеник во круговите во коишто учиме и работиме, вели Најдовски, еден од учесниците на кампот од Скопје.

Кампот беше одлична можност за подигнување на свеста кај младите од Македонија и Албанија за важноста на природните ресурси и нивното правилно искористување. Дел од студентите имаа можност да поделат промо материјали и да направат интервјуа со локалното население од општината Стеблево во НП Јабланица-Шебеник.

– За мене разговорот со старецот од село Ланга, којшто го прашувавме за тоа како се живее во селото и дали имал штети од дивите животни беше многу интересен. Не очекував дека ќе ми раскаже толку интересни доживувања и дека редовно гледаат мечка која се гоштева со пченката од нивните ниви, објасни Клаудија Кочи, постдипломец по едукација во природа од Тирана.

Кампот беше организиран во рамки на прекуграничниот ИПА проект за планинскиот масив Јабланица-Шебеник којшто Македонско еколошко друштво го спроведува во соработка со Организацијата за заштита и зачувување на природата во Албанија ППНЕА и германската фондација Еуронатур.

Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија

Еколошки камп за студенти од 24-30 август 2014г. во НП Јабланица-Шебеник во Албанија

Македонско еколошко друштво во рамки на проектот „Подобрување на прекуграничната соработка и развој на планинскиот масив Јабланица-Шебеник, преку активна вклученост на локалното население“ организира еколошки летен тренинг камп во Националниот Парк Јабланица-Шебеник во Албанија од 24-30 август 2014 година.

Целта на кампот е учесниците да научат нешто повеќе за одржливото користење на природните ресурси, да се запознаат со природните и културни вредности на Националниот Парк Јабланица-Шебеник и да научат дел од  основните истражувачки методи. Предност при учество ќе имаат студенти по биологија и екологија, членови на еколошки невладини организации и претставници на планинарски друштва од јабланичкиот регион, односто од Општините  Струга и Вевчани.

Се охрабруваат на кампот да се пријават и студенти кои не се од овие општини. Вкупниот број на учесници е ограничен на 30 студенти, од кои 15 од Македонија и 15 од Албанија. Сите трошоци за учесниците ќе бидат покриени од Македонско еколошко друштво. Краен рок за пријавување е 11 Август, 2014 година. Пополни апликација

 Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија

Градоначалниците на Струга и Вевчани, како и на општините од Албанија, Либражд, Стеблева, Луник и Рајца ја поддржуваат иницијативата планинскиот масив Јабланица – Шебеник  да се прогласи за прекугранично заштитено подрачје. Тие оваа поддршка ја изразија и формално, потпишувајќи писмо за поддршка во кое изразуваат волја да се зголеми соработката на планинскиот масив Јабланица-Шебеник се со цел зачувување на природните ресурси, развој на еко туризмот и одржлив развој во регионот.

– Доколку Јабланица се поврзе со планинарски патеки од двете страни на границата, тогаш би имале размена на туристи во двете земји кои би уживале во убавините на планината. Ја поддржувам идејата за Јабланица да се прогласи за национален парк, но истовремено сакам да продолжи економскиот развој  во општината што е мој приоритет – изјави градоначалникот на Струга, Зиадин Села.

Според градоначалникот на Вевчани Цветомир Угриноски прекуграничното заштитено подрачје може да донесе само бенефит на населението.

– Ја поддржувам иницијативата и сметам дека ние пограничните општини од Македонија и Албанија треба да соработуваме повеќе бидејќи туристите од странство не сакаат само лежење на плажа туку сакаат за време на својот престој освен Струга и Охрид да се прошетаат и во планина и да видат нешто поразлично од масовен туризам, затоа треба да работиме заеднички кон подобрување на услугите и кадарот за да го развиваме екотуризмот – изјави Угриноски.

Градоначалниците од општините Стеблева, Либражд и Луник при посетата во општина Струга и Вевчани го пренесоа позитивното искуство, бидејќи Јабланица-Шебеник функционира како национален парк веќе шест години во Албанија.

– Ве поддржуваме и охрабруваме да ја поддржите иницијативата Јабланица да се прогласи за национален парк, бидејќи кај нас значително се подобрија работите откако има поголема контрола на ресурсите од една страна, а самиот регион полека но сигурно станува бренд за планински и еко туризам – изјави граночалникот на општината Центар Либражд, Енвер Шкурти.

Средбите на градоначалниците од Македонија и Албанија се дел од посетите за размена на искуства организирани од страна на Македонско еколошко друштво, покрај претставници на локалните самоуправи на овие средби учествуваа и претставници од НП Јабланица-Шебеник, невладини организации и јавни претпријатија кои стопанисуваат со шуми од Албанија. Посетата се организираше во рамки на ИПА прекуграничниот проект „Подобрување на прекуграничната соработка и развој на планинскиот масив Јабланица – Шебеник преку активна вклученост на локалното население“, финансиран од ЕУ.Mayors of Struga and Vevcani from Macedonian side, as well as their colleagues from the Municipalities of Librazhd, Stebleva, Lunik and Rajca from Albanian side, give full support for the initiative for the Jablanica – Shebenik Mountain range to be proclaimed as trans boundary protected area. This support was given in official manner by signing a letter of support for enhancing the cooperation within the Jablanica – Shebenik region, with the aims of natural resources conservation, development of the eco-tourism and sustainable use of natural resources.

– If Jablanica gets its hiking trails along the both sides of the border, then we would have exchange of tourists enjoying the natural beauties of the mountain in both countries. I personally support the idea of Jablanica becoming a National Park, but at the same time as my priority I wish continuation of the economic development of the Municipality – says Ziadin Sela, Mayor of Struga.

According to Cvetomir Ugrinoski, Mayor of Vevcani, a trans boundary protected area can only give benefit to the population.

– I support the initiative and also think that Municipalities along the border between Macedonia and Albania should strengthen their cooperation, because the foreign tourists coming to Struga and Ohrid not always prefer the Lake side, but they are also keen on walk to the mountain and looking at something different from the mass tourism. Therefore I think we should work together with the focus on improving the services and the personnel in order better development of the eco-tourism, – says Ugrinoski.

During the visit to Struga and Vevcani, Mayors from Stebleva, Librazhd and Lunik shared their positive experience from the Shebenik National park, which was established six years ago.

– We support you and we encourage you to go on with the initiative of proclaiming Jablanica as a National Park, as we have significantly improved the control over the natural resources on one hand and the region itself is becoming a brand for mountain and ecotourism, – says Enver Shkurti, Mayor of the Municipality of Centar Librazhd from Albania.

The meetings of the Mayors are organized by the Macedonian Ecological Society and are focused on exchange of experience. Besides the local governments, members of non-government organizations and public enterprises from the Forestry department in Albania also took part on these meetings.

Македонското еколошко друштво заедно со Локалната агенција за развој на Струга на четврти jуни 2014 година организираше едукативен пикник за најмладите од Општина Струга и Општина Вевчани под мотото „Да се запознаеме со природните вредности на Планината Јабланица“.

30-ина ученици од основните училишта во Струга и Вевчани преку едукативни игри се запознаа со природните ресурси на Јабланица во Еко инкубаторот во Струга, а потоа преку прошетка во Општина Вевчани најмладите на непосреден начин се запознаа со природата на Јабланица.

Овој настан е заедничка активност на проектот “Подобрување на прекуграничната соработка и развој на планинскиот масив Јабланица –Шебеник преку активна вклученост на локалното население“, спроведуван од МЕД и проектот “Сино и зелено наспроти црно и сиво” спроведуван од ЛДА, Струга. Двата проекти се финансирани од ИПА програмата за прекугранична соработка со Албанија.

Фокусот на двата проекти е да се едуцира локалното население за правилниот начин на искористување на природните ресурси во регионот и да се подобри одржливиот развој во регионот.On the 4th of June, 2014. Macedonian Ecological Society along with the Local Agency for Development of Struga organized educational picnic for the youngest of the municipality of Struga and the municipality of Vevchani under the slogan ‘Discover the natural values ​​of Jablanica.’

30 students from several elementary schools in Struga and Vevchani were introduced to the natural resources through educational games in the ‘Eco Incubator’ in Struga. The event followed a walk for discovering the beauties of Jablanicas` rich nature.

This event is a joint activity of the project ’Enhancing trans-boundary protection and development of the Jablanica-Shebenik mountain range by active local involvement’, conducted by MES and the project “Blue and green versus black and gray” implemented by LDA Struga. Both projects are funded by program IPA for cross-border cooperation with Albania.

The focus of both projects is to educate the local population about the correct way of using the natural resources in the region and to enhance sustainable development.

Јабланица има огромен потенцијал за развој на екотуризмот, но за да се случи тоа потребна е поголема едукација на локалното население, поголема активност на локалните власти и секако подобрување на соработката меѓу сите релевантни чинители од регионот, ова е само еден заклучоците донесени на „Втората работилница за традиционално користење на природните ресурси – домашни и меѓународни позитивни практики“, којашто МЕД ја организираше на 09 април 2014-та година во Струга.

– На оваа работилница зборувавме за потенцијалите на Јабланица во однос на брендирање на локални производи, развивање на екотуризмот и негативните примери во поглед на користење на природните ресури, сето ова е подготовка за идни активности и иницијативи коишто би можеле да се спроведат во иднина, изјави раководителот на проектот за прекугранична соработка на планинскиот масив Јабланица –Шебеник, Пандурска -Драмиќанин.

Јабланица е богата со еколошки производи, дел од нив се веќе брендирани, но најголем дел од нив може да станат бренд за регионот во иднина и да донесат економски бенефит на локалното население. Голем потенцијал во овој поглед имаат производите од билките како што е кантарионовото масло но и сите други чаеви карактеристични за регионот.

– Соковите од шумски плодови или од трендафил, џемовите од шумско овошје, домашното вино и познатата ракија со линцура, питите од костен, праз и коприва, домашниот кечап и пирето од домати, саламурениот вргањ како и други млечни и месни производи се само дел од производите коишто треба да добијат локален бренд, истакна Благоја Грчески од планинарско друштво „Закамен“ од Струга.

Од друга страна во рамки на работилницата беа истакнати и илегалните активности присутни во регионот а поврзани со користењето на природните ресурси.

– Додека ние тука во Струга работиме на оваа тема, шумата, без ние да знаеме моли, крвави, не сечи ме – боли! Затоа илегалната сеча треба да се спречи. Истовремено во однос на ловот од една страна постојат пасионирани ловци коишто ја сакаат природата а се доста пасивни на сметка на активните ловокрадци, коишто хараат по шумите и непочитуваат закони убивајќи и заштитени видови, истакна во рамки на работилницата, Решат Арсланоски Еколошко друштво од Подгорци „Тишкинец“.

Македонското еколошко друшво–МЕД работилницата ја одржа во рамки на ИПА прекуграничниот проект„Подобрување на прекуграничната соработка и развој на планинскиот Јабланица –Шебеник преку активна вклученост на локалното население“. На работилницата освен учесниците од регионот имаше претставници и од невладината организација ППНЕА од Албанија и од Фондацијата Еуронатур од Германија.

Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија‘

Одржани два форуми со целни групи од Струга и Вевчани по повод отпочнување на проектот за разумно користење на природни ресурси и заштита на планинскиот масив Јабланица – Шебеник

Да се престане со дивата сеча, да се зачуваат ледничките езера, да се спречи криволовот, а екотуризмот да се развива во Јабланичкиот регион, беа само дел од барањата и пораките на учесниците на форумите за целни групи кои на 12-ти и 13-ти декември 2013 година се одржаа во Општина Струга и Општина Вевчани.

На овие средби беа претставени активностите кои следат по проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“.

– Овие средби се од извонредно значење за понатамошното спроведување бидејќи се можност за да се продискутира за сите проблеми во однос на користењето на ресурсите кои го засегаат локалното население, смета Фросина Пандурска-Драмиќанин, координатор на проектот во МЕД.

Според дел од учесниците во двете општини најзагрозен ресурс моментално на Јабланица е дрвото. Покрај ова беа споменати и дивоизградените викендички во дел од планинските села и прекумерното користење на некои растителни видови и печурки.

Учесниците на овие форуми беа заинтересирани и за можните придобивки на локалното население доколку Јабланица се прогласи за прекугранично заштитено подрачје.

На средбата присуствуваа претставници од локалните власти, невладини организации од регионот, претставници од образовни институции, шумско претпријатие, собирачи на шумски плодови и печурки како и други локални чинители.

Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија

Македонското еколошко друштво продолжува со своите активности долж планината Јабланица. Од септември годинава започна со реализација проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ со времетраење од 18 месеци.

Целта на овој проект е да се придонесе кон промоција на позитивните практики за одржливо користење на природните ресурси во пет општини долж планинскиот масив Јабланица-Шебеник, како и да се подигне свеста на локалното население за одржливото користење на природните ресурси преку употреба на методи кои не и штетат на природата.

Бидејќи станува збор за едукативен проект кој предвидува обука на локалното население преку работилници, прекугранични екскурзии и други форми на едукација се очекува крајниот резултат да биде поуспешно менаџирање на животната средина во прекугранично заштитено подрачје Јабланица –Шебеник.

Во активностите покрај локалните власти, образовните институции и невладините организации ќе бидат вклучени и ловните друштва, фармерите и локалното население.

Проектот е финансиран од програмата за прекугранична соработка ИПА 2007-2013 за Македонија и Албанија од Европската Унија и во него се вклучени општините Струга и Вевчани од Македонија и Либражд, Стеблеве и Рајче од Албанија.

МЕД го спроведува овој проект заедно со невладината организација ППНЕА од Албанија како и фондацијата Еуронатур од Германија.

[table]; ; ;  [/table]