Checkout

Category: Новости

  • Европски денови за набљудување птици 2014 – истражување на Катлановско блато и забава во Зоолошката градина во Скопје

    Викендот на 4 и 5 октомври низ цела Европа беше одбележан како ден за набљудување птици и 40 земји од Европа и Централа Азија организираа настани на кој се набљудуваше фасцинантната миграција на 2,5 милиони птици кон јужните места на кои ќе презимат.  Од Португалија до Казахстан и од Малта до Норвешка над 23.000 луѓе учествуваа на 895 настани на кои се славеше природата.

    Во Македонија беа организирани два настана. Првиот беше теренско истражување на Катлановско блато кое е важна прелетна точка за преселните птици и на него учествуваа сите заинтересирани птичари. За време на теренското истражување беше забележана активна миграција на повеќе од илјада селски ластовички. Вториот настан беше организиран од волонтерите на МЕД  и се одржа во Зоолошката градина во Скопје. Овој настан имаше забавни и едукативни активности за сите возрасти, од боенки и оригами работилници, преку игри и награди, набљудување на птици со двоглед и телескоп, до можноста да се разговара со орнитолози и да се научи повеќе за најзагрозените птици во Македонија.

    Ваквите настани се прилика за организациите кои се посветени на зачувување на животната средина да ги охрабрат граѓаните од сите возрасти да се приклучат, да истражуваат и да уживаат во птиците. Птиците преселници се соочуваат со многу предизвици за нивниот опстанок, добри услови за размножување на север, безбедни водени површни за одмор на пат кон југ и поволни услови за презимување кај нас.  Затоа нашиот фокус е кон зачувување на водните површини во Македонија и намалување на вознемирувањата на птиците преселници.

    Галерија на фотографии од нашите настани има подолу.














    Over the past weekend, in 40 countries in Europe and Central Asia, the public was invited by the national organizations of BirdLife International to observe the fascinating migration of 2,5 Million birds to their wintering areas in the South. From Portugal to Kazakhstan from Malta to Norway more than 23000 people took part in more than 895 events to watch this spectacle of nature.

    In Macedonia we organized two events. The first event was bird-watching trip at Katlanovsko Blato which is an important stop-over site for migratory birds and many interested bird-watching enthusiasts attended. During the event the bird-watchers could observe the migration of over a thousand barn swallows. The second event was organized by the MES team of volunteers and was held at the Skopje Zoo. This was a public event which included many fun and educational activities for all ages: from coloring books and bird origami workshop, games and prizes, bird-watching tips on using binoculars and telescopes to the possibility to talk to ornithologists and learn more about the most threatened birds in Macedonia.

    With these various events the nature conservation organizations encourage people of all ages to go out, observe, explore and enjoy birds. They were mainly focusing on biodiversity and the needs to protect it. To survive, the migratory birds need good breeding conditions in the North, safe stop-overs on the flyway and good conditions in the wintering areas. Which is why our focus locally is to conserve wetlands in Macedonia and diminish disturbances for migratory birds.

    Please enjoy the photo gallery below.
















  • Open Call for Small Grants projects for Mount Jablanica

    The Macedonian Ecological Society will officially announce a Call for Small Grant Projects on the 2 October in Struga. The project proposals should be focused on the natural values of Jablanica Mountain and sustainable use of the natural resources. The deadline for submission of the project proposals is 15 November.
    More information on the application are available here.

  • MES presents their project for the Jablanica-Shebenik mountain range in the IPA Fair in Tirana

    The Macedonian Ecological Society participated in the IPA Fair Programme for Cross-border Cooperation between Macedonia and Albania, held on the 23 September in Tirana. MES presented their promotional materials, goals and activities within the project “Enhancing Transboundary Protection and Development of the Jablanica-Shebenik Mountain Range by Active Local Involvement” together with PPNEA, their partner organisation in Albania. A significant number of projects funded by the IPA Programme for Cross-border Cooperation ever since 2008 took part in the Fair.

    The project “Enhancing trans-boundary protection and development of the Jablanica-Sebenik mountain range by active local involvement” is funded by EU’s IPA Programme for Cross-border Cooperation with Albania.

     

  • Едукативен еколошки камп – Пелистер 2014

    Едукативен еколошки камп – Пелистер 2014

    Pelister camp

    Членовите на Еко клубот во Младинскиот Културен Центар (МКЦ) Битола имаа шанса да учествуваат на првиот Едукативен еколошки камп одржан на Пелистер во периодот од 12 до 14 септември.  Кампот беше насочен кон запознавање на идните активисти од Битола со биолошката разновидност на Националниот парк Пелистер а особено со значајните растителни видови. За таа цел беа организирани ботанички теренски истражувања на кои учесниците собираа фотографски материјали за анализа.

    Дополнително учесниците на кампот беа запознаени со можности и идеи за нивно активно учество во научни истражувачки проекти, самостојно водење на помали проекти и активности кои би придонеле кон промоција на Пелистер како Значајно растително подрачје.  МКЦ и Македонското еколошко друштво и натаму ќе ја поддржуваат работата на еко клубот, кој моментално развива неколку локални еколошки кампањи.

    eu logoКампот е дел од проектот  Поврзување на луѓето со природата – вмрежување и зајакнување на граѓанските здруженија во Македонија кој е ко-финансиран од страна на Европската Унија.

    За повеќе фотографии од настанот кликнете тука.

  • Дивите билки од мојот крај – изложба на учениците од подрачјето на Илинска-Плакенска Планина

    Дивите билки од мојот крај – изложба на учениците од подрачјето на Илинска-Плакенска Планина

    Изложбата „Дивите билки од мојот крај“ во организација на Арт Поинт Гумно беше отворена во Слоештица во рамките на проектот „Поврзување на луѓето со природата“. Автори на уметничките дела се учениците од ОУ „Гоце Делчев‟ од Демир Хисар и ОУ „Браќа Миладиновци‟ од с. Жван. Оваа изложба е производ на соработката со Македонското еколошко друштво (МЕД) со чија поддршка беа одржани иницијалните едукативни презентации. Делата на учениците се импресии од дивите растенија од нивниот регион. Покрај ликовните творби учениците доставија и песни и текстови.

    Изложбата е поставена во ОУ Браќа Миладиновци во Слоештица, а ја отвори Наталија Меловска, раководител на проектот. Во таа прилика беа доделени и наградите за делата кои се одбрани како победнички од жирито.

    Со цел поголема промоција на резултатите добиени при реализацијата на проектот „Поврзување на луѓето со природата“, оваа активност се одвиваше паралелно со манифестацијата СЛАВЕЊЕ НА ПИРЕЈОТ, која традиционално се одржува во чест на делото на еден од најголемите македонски поети Петре М. Андреевски.

    EU logo

    Проектот е ко-финансиран од Европската Унија



  • 30-ина студенти беа гости во НП Јабланица-Шебеник, Албанија – Летен студентски камп во Фуш Студен, Албанија

    30-тина студенти од Македонија и од Албанија од 24-30 август 2014 година во Фуш Студен, Албанија учествуваа на летен студентски камп организиран во рамки на ИПА прекуграничниот проект „Подобрување на прекуграничната соработка и развој на планинскиот масив Јабланица-Шебеник, преку активна вклученост на локалното население“.

    Студентите имаа можност во текот на седумдневниот камп да се запознаат со природните вредности на Националниот Парк Јабланица-Шебеник, како и да научат нешто повеќе за загрозените видови на Балканот (цицачи, габи, растенија и инсекти).

    – Се што доживеавме во Фуш Студен за мене беше незаборавно, посебно уживав во прошетките низ планината или подобро речено низ патеките коишто ги користат и дивите животни како мечката, рисот, дивата свиња…) што за мене беше прекрасно искуство, вели Алтина Исмаили, дипломиран еколог од Струга.

    Според Борис Најдовски, постдипломец на Шумарскиот Факултет во Скопје ваквите обуки се многу важни за младите студенти коишто студираат природни науки.

    Во националниот парк Јабланица-Шебеник имавме можност да се запознаеме со богатиот биодиверзитет и важноста на мерките за конзервација. Сметам дека ваквите активности се посебно важни за развивање на еколошката свест и вмрежување на младите од разни професии за заштита на природата. Сите ние ќе го пренесеме позитивното искуство што го имавме на Шебеник во круговите во коишто учиме и работиме, вели Најдовски, еден од учесниците на кампот од Скопје.

    Кампот беше одлична можност за подигнување на свеста кај младите од Македонија и Албанија за важноста на природните ресурси и нивното правилно искористување. Дел од студентите имаа можност да поделат промо материјали и да направат интервјуа со локалното население од општината Стеблево во НП Јабланица-Шебеник.

    – За мене разговорот со старецот од село Ланга, којшто го прашувавме за тоа како се живее во селото и дали имал штети од дивите животни беше многу интересен. Не очекував дека ќе ми раскаже толку интересни доживувања и дека редовно гледаат мечка која се гоштева со пченката од нивните ниви, објасни Клаудија Кочи, постдипломец по едукација во природа од Тирана.

    Кампот беше организиран во рамки на прекуграничниот ИПА проект за планинскиот масив Јабланица-Шебеник којшто Македонско еколошко друштво го спроведува во соработка со Организацијата за заштита и зачувување на природата во Албанија ППНЕА и германската фондација Еуронатур.

    eu logoПроектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија

  • Планинарско-ботаничка тура Лешница – промоција на флората на Шар Планина

    Македонското еколошко друштво (МЕД) во соработка со  Планинарскиот клуб „Љуботен“ од Тетово го одржа првиот настан за промоција на Значајното растително подрачје Шар Планина како дел од проектот “Поврзување на луѓето со природата – зајакнување и вмрежување на граѓанските здруженија во Македонија”.

    Овој настан беше дел од традиционалната планинарска тура Лешница кој оваа година се одржуваше по 60 пат.  На третиот и последен ден од турата беше организирана планинарско-ботаничка тура на која заинтересираните планинари можеа да научат кои се најзначајните растителни видови кои може да се сретнат на планинарската патека од Попова Шапка – Горна Лешница – Лешница – Кадите. Искусните ботаничари од МЕД беа на располагање со повеќе информации за растенијата а членовите на ПК „Љуботен“  ги промовираа можностите за волонтирање во склоп на нивниот клуб.

    За фотографии од настанот кликнете тука.

    Проектот „Поврзување на луѓето со природата – зајакнување и вмрежување на граѓанските здруженија во Македонија“ е ко-финансиран од Европската Унија.

     

     

  • Објавена новата Црвена листа на загрозени видови птици на IUCN

    IUCN logo Црвената листа на загрозени видови на IUCN сега има 361 нови видови на птици кои претходно се сметале за подвидови. Нивниот статус го оцени BirdLife International и дојде до загрижувачкиот заклучок дека над 25% од овие новопризнаени видови на птици се оценети како загрозени според Црвената листа на IUCN, со што тие стануваат итни приоритети за зачувување.

    Така на пример, досега се препознаваше само еден вид на ној и тој беше оценет како незасегнат. Но, сомалискиот ној Struthiomolybdophanes, кој може да се најде во Сомалија, Етиопија, Џибути и Кенија, сега се препознава како одделен вид и се смета за ранлив. Се смета дека неговата популација е во рапидно опаѓање поради лов, собирање на јајца и убивање. Неговиот статус може да се влоши доколку не се преземат активности за зачувување.

    Сомалиски ној (Peter Steward)
    Сомалиски ној (Peter Steward)

    „Овој вид ја истакнува потребата за подобро познавање на светските птици и потребата за конзервациски мерки во некои од најнепристапните места на Земјата“, изјави Анди Сајмс, Директорот за видови на птици на BirdLife.   Првиот дел од таксономско дефинирање беше фокусиран на птици грабливки, морски птици, водни птици и бувови и сега се знае дека постојат 4,472 вида т.е. се забележува дека претходните класификации на птици ја потцениле разновидноста на птичји видови за повеќе од 10%. Вториот дел ќе биде фокусиран на песнопојни птици.

    Новите критериуми за квалификување на видови на птици носат и дополнителна прецизност која ќе обелодени кои места се најзначајни за птиците, природата и луѓето- места на планетава кои итно треба да се заштитат и зачуваат.   Покрај оценувањето на состојбата на новопризнатите видови на птици, Црвената листа на 2014 дополнително го разгледува и статусот на познатите видови на птици. Благодарение на успешните конзервациски мерки, брадестиот мршојадец се враќа во Европа но на глобално ниво неговата популација се намалува заради труење, нарушување на живеалиштата и судирите со далекуводи, поради тоа неговиот статус е променет од незасегнат во скоро загрозен.

    „Црвената листа е од критично значење не само за идентификацијата на видови на кои им се потребни насочени активности за заштита туку и за фокусирање на конзервациските активности низ светот преку идентификацијата на клучни подрачја и живеалишта кои треба да се зачуваат, вклучувајќи ги Значајните подрачја за птици и биолошка разновидност“, изјави Бачарт. „Новата Црвена листа за птици од 2014 година ќе ни помогне да ги поставиме приоритетите за идни конзервациски мерки.“

    IUCN logo Црвената листа на загрозени видови на IUCN сега има 361 нови видови на птици кои претходно се сметале за подвидови. Нивниот статус го оцени BirdLife International и дојде до загрижувачкиот заклучок дека над 25% од овие новопризнаени видови на птици се оценети како загрозени според Црвената листа на IUCN, со што тие стануваат итни приоритети за зачувување.

    Така на пример, досега се препознаваше само еден вид на ној и тој беше оценет како незасегнат. Но, сомалискиот ној Struthiomolybdophanes, кој може да се најде во Сомалија, Етиопија, Џибути и Кенија, сега се препознава како одделен вид и се смета за ранлив. Се смета дека неговата популација е во рапидно опаѓање поради лов, собирање на јајца и убивање. Неговиот статус може да се влоши доколку не се преземат активности за зачувување.

     

    Сомалиски ној (Peter Steward)
    Сомалиски ној (Peter Steward)

    „Овој вид ја истакнува потребата за подобро познавање на светските птици и потребата за конзервациски мерки во некои од најнепристапните места на Земјата“, изјави Анди Сајмс, Директорот за видови на птици на BirdLife.   Првиот дел од таксономско дефинирање беше фокусиран на птици грабливки, морски птици, водни птици и бувови и сега се знае дека постојат 4,472 вида т.е. се забележува дека претходните класификации на птици ја потцениле разновидноста на птичји видови за повеќе од 10%. Вториот дел ќе биде фокусиран на песнопојни птици.

     

    Новите критериуми за квалификување на видови на птици носат и дополнителна прецизност која ќе обелодени кои места се најзначајни за птиците, природата и луѓето- места на планетава кои итно треба да се заштитат и зачуваат.   Покрај оценувањето на состојбата на новопризнатите видови на птици, Црвената листа на 2014 дополнително го разгледува и статусот на познатите видови на птици. Благодарение на успешните конзервациски мерки, брадестиот мршојадец се враќа во Европа но на глобално ниво неговата популација се намалува заради труење, нарушување на живеалиштата и судирите со далекуводи, поради тоа неговиот статус е променет од незасегнат во скоро загрозен.

    „Црвената листа е од критично значење не само за идентификацијата на видови на кои им се потребни насочени активности за заштита туку и за фокусирање на конзервациските активности низ светот преку идентификацијата на клучни подрачја и живеалишта кои треба да се зачуваат, вклучувајќи ги Значајните подрачја за птици и биолошка разновидност“, изјави Бачарт. „Новата Црвена листа за птици од 2014 година ќе ни помогне да ги поставиме приоритетите за идни конзервациски мерки.“

  • Повик за еколошки летен тренинг камп

    Еколошки камп за студенти од 24-30 август 2014г. во НП Јабланица-Шебеник во Албанија

    Македонско еколошко друштво во рамки на проектот „Подобрување на прекуграничната соработка и развој на планинскиот масив Јабланица-Шебеник, преку активна вклученост на локалното население“ организира еколошки летен тренинг камп во Националниот Парк Јабланица-Шебеник во Албанија од 24-30 август 2014 година.

    Целта на кампот е учесниците да научат нешто повеќе за одржливото користење на природните ресурси, да се запознаат со природните и културни вредности на Националниот Парк Јабланица-Шебеник и да научат дел од  основните истражувачки методи. Предност при учество ќе имаат студенти по биологија и екологија, членови на еколошки невладини организации и претставници на планинарски друштва од јабланичкиот регион, односто од Општините  Струга и Вевчани.

    Се охрабруваат на кампот да се пријават и студенти кои не се од овие општини. Вкупниот број на учесници е ограничен на 30 студенти, од кои 15 од Македонија и 15 од Албанија. Сите трошоци за учесниците ќе бидат покриени од Македонско еколошко друштво. Краен рок за пријавување е 11 Август, 2014 година. Пополни апликација

     Проектот „Подобрување на прекуграничната заштита и развој на планинскиот масив Јабланица-Шебеник преку активна вклученост на локалното население“ е финансиран од ИПА програмата за прекугранична соработка со Албанија на Европската Унија

  • Спроведена обука за сертификација на шуми во Ќустендил

    Македонското еколошко друштво заедно со партнерите од Бугарија, Бугарската фондација за биоразнообразие, во рамките на Осоговските Планини во Балканскиот зелен појас организираше обука за сертификација, зачувување, одржливо искористување и управување со шумите во Ќустандил, на која присуствуваа дваесетина учесници од двете држави од шумските стопанства, ЈП Македонски шуми, Шумарските факултети од Скопје и Софија, Дирекцијата за управување со горите на Бугарија, додека претставниците од Министерството за земјоделство, шумарство и водостопанство го откажаа своето присуство. Во текот на обуката експертите за сертификација на шумите од Бугарија го презентираа концептот за шумска сертификација, основните придобивки од примената на инструментот, шемите и стандардите во сертификацијата (по PEFC и FSC), како и самиот процес на сертификација и контрола. Основната идеја на обуката беше да се претстават придобивките од одржливото стопанисување со шумите со цел подоцнежно спроведување на стандардите.