Author: admin

Потенцијалите за заштита и развој на Осогово, но и проблемите за успешно спроведување на номинациониот процес во осоговскиот регион, беа презентирани на субрегионалниот работен состанок за прекугранична соработка организиран од УНЕСКО, во Поградец, Албанија, во декември, 2013 година.

На средбата учествуваа заменик министрите за животна средина од Албанија и Македонија, претставници од МАБ комитетите и дел од клучните страни, особено од охридско – преспанскиот регион. Поканета беше и грчката страна, која немаше претставници на состанокот.

Покрај Осогово, на состанокот беа презентирани и иницијативата за Прекуграничен Биосферен резерват на Скадарско Езеро, како и иницијативата Прекугранизен Биосферен резерват „Охрид – Преспа“, за која веќе е поднесена номинационата документација до УНЕСКО. Беше дискутирано понатамошното координирање на процесот за номинирање на ТБР „Охрид – Преспа“, за што двајцата заменици беа едногласни во намерата да го буткаат овој процес на високо владино ниво, кон успешно реализрање. Потенцирана беше и потребата од подобро промовирање на концептот и функцијата на биосферен резерват пред владините структури на двете земји, на што претставникот од УНЕСКО – Филип Пиперт, посочи дека веќе изработените материјали од УНЕСКО може да се преведат на матичните јазици и да послужат за таа намена.

Сите учесници беа согласни дека осоговскиот процес има многу добра основа за подготовка на номинациона форма и дека Осогово може да биде успешна приказна, но дека политичката поддршка е неопходна во ваквите процеси и затоа треба да се работи на обезбедување на истата. Во таа насока, претставниците од МАБ комитетите на Бугарија и Македонија се согласија да се оранизира прекуграничен состанок помеѓу членовите на двата МАБ комитети во првата половина од 2014 година. Состанокот треба да послужи за конструктивна дискусија помеѓу стручните лица и членовите на МАБ комитетите и високите претставници од Министерствата за животна средина на двете земји, за разгледување на можностите за поддршка на осоговскиот процес и негово успешно спроведување.

„Приодот во еколошката едукација треба да почива на изградба на еколошки вредности и навики кај децата, од најмала возраст, кои понатаму во процесот на доживотно учење би се продлабочиле. Формирањето индивидуи со изградени еколошки ставови и култура, води кон унапредување на животната средина преку нивните соодветни одлуки и постапки“, беше потенцирано од претставникот на Македонско еколошко друштво на Меѓународниот форум за еколошка едукација, кој се одржа во Тбилиси – Грузија, во ноември 2013 година.

Во рамки на овој собир на којшто учествуваа претставници од невладини организации од источноевропските земји (Турција, Бугарија, Летонија, Естонија, Словенија, Унгарија, Македонија и други) беше претставено и искуството во поглед на еколошката едукација на Македонско еколошко друштво.

Целта на Меѓународниот форум, одржан во ноември 2013, беше развој и унапредување на еколошката едукација преку размена на практични искуства помеѓу земјите. Исто така, форумот ја одбележа Првата светска меѓувладина конференција за еколошка едукација организирана од страна на УНЕСКО и УНЕП, а одржана во 1977 година во Тбилиси, Грузија, од кадешто произлезе Тбилиси  Декларацијата, која предвидува рамка, принципи и насоки за еколошка едукација за сите возрасни групи во и надвор од формалниот образовен систем на национално и меѓународно ниво. Уште повеќе, Тбилиси Декларацијата е првата интернационална декларација која направи пресвртиница во еколошката едукација како еден значаен обид да се поврзат глобалните еколошки проблеми со социјалните, културните, економските и политичките аспекти на човековото постоење. Оттогаш, еколошката едукација е нераскинлив дел од севкупниот едукативен систем, со интердисциплинарен карактер, а подоцна и како едукација за одржлив развој.

Форумот беше организиран од NOLI.GE, грузиска невладина организација/институт специјализиран за еколошка едукација со поддршка од УНЕСКО.

На 10 декември 2013 година околу триесетина претставници од различни организации од Западна Македонија се собраа за да ги поддржат активностите за заштита на балканскиот рис. Овие луѓе ја формираат мониторинг мрежата, посебно одбрана група во која членовите, во рамките на своите знаења и позиции, го помагаат закрепнувањето на ова критично загрозено животно. Местото каде се одржа оваа работилница беше летниот камп Претор кој се наоѓа на подножјето на планината Пелистер. Не случајно беше одбрано ова место. Пред неколку недели, ренџерите на националниот парк Пелистер докажаа дека рисот е навистина присутен во ова подрачје.

Работилницата со мониторинг мрежата помина во најдобар ред. Ги презентиравме активностите завршени во 2012 и 2013 година како и методите за заловување на рисови со посебен осврт на препознавање на плен од рисот. Дискутиравме главно за релевантните закани за рисот како: проблемите со кучињата скитници, присутноста на главниот плен на рисот и уништувањето на неговиот хабитат. На крајот на работилницата, секој учесник пополни еден прашалник со цел подобрување на понатамошната соработка помеѓу мониторинг мрежата и тимот за заштита на рисот. Секој член доби прирачник за балканскиот рис, промотивен материјал и анкетни листови за мониторинг на рисот.

Мониторинг мрежата е многу значајна алатка за заштитата на балканскиот рис. Работата со локалното население значи: имање на попрецизно знаење од терен, но исто така и здобивање на доверба и подигање на јавната свест. Членовите на мониторинг мрежата ќе ни помогнат во овие цели.Around 30 people from various organizations of Western Macedonia gathered to support the conservation efforts for the Balkan lynx on 10^th of December 2013. These people are forming the monitoring network, a specially selected group that can, within their knowledge and position, help the recovery of this critically endangered animal. The venue of this event was the summer resort Pretor, Prespa Lake which is on the foothills of mountain Pelister. It was not by coincidence that this place was picked to be the host. Some weeks ago the rangers from the Pelister National Park have proved that lynx is indeed present in this area. More knowledge is needed from the ground that can be provided with the help of the game wardens from the park.

The monitoring network meeting went very well. We presented the activities accomplished in 2012 and 2013 and the methods for capturing lynx with focus put on recognizing lynx’s kills. We discussed lynx relevant threats such as feral dog problems, main prey abundance and forest destruction. At the end of this workshop each participant filled a questionnaire on improving the further cooperation between the members of the network and the Balkan lynx team. Each member received a Balkan lynx field handbook, promotional material and question forms for lynx observations.

The monitoring network is very important tool in the Balkan lynx protection. Working with locals means getting more accurate knowledge from the field, but also earning trust and rising awareness. Members of this network will just help us get there.

Тројцата министри за животна средина од Албанија, Косово и Македонија, заедно со австрискиот амбсадор и заменик германскиот амбасадор на Македонија ја потпишаа Заедничката визија за предложеното прекугранично заштитено подрачје „Шар Планина – Кораб“. Визијата беше дел од проектот кој МЕД го спроведува заедно со уште две невладини организации од Албанија и Косово под раководство на Еуронатур од Германија. Потпишувањето на Визијата од страна на министрите се случи во рамките на трилатералниот министерски состанок што се одржа на 7 ноември на Попова Шапка. Дополнително, сите останати учесници на состанокот исто така ја потпишаа визијата.

Состанокот, како и чинот на потпишување на Визијата е ветувачки чекор кон продолжување на прекуграничната соработка со цел да се заштити регионот Шар Планина-Кораб-Дешат.

Визијата беше изработена од страна на засегнати чинители од трите земји – невладини организации, институции, општини и управни тела на заштитените подрачја.

Trilateral ministerial meeting on Popova Shapka

The ministries of environment of Macedonia, Albania and Kosovo together with representatives from UNEP (Vienna office) and German foundation EuroNatur as well as other local and national stakeholders gathered on a meeting that took place on Popova Shapka on 7 November, 2013. This is a second meeting on the same topic –development of prospects for the proposed transboundary area “Sharr/Šar Planina – Korab – Dešat/Deshat” as a follow-up of the first trilateral stakeholder meeting held in Popova Shapka in November 2011.

According to the feasibility study published in 2010 by UNEP the proposed transboundary protected area (TBPA) “Sharr/Šar Planina – Korab – Dešat/Deshat” jointly identified by the representatives of the Governments in 2006 as one of the most important biodiversity hotspots in the region has the potential to become the largest protected area in SEE and one of the largest in Europe. Such desired development would mean a spectacular success for biodiversity conservation at the regional and European levels.

The main aim of this meeting is to bring the environmental ministers together and a wide range of stakeholders from the region of the proposed transboundary protected area; catalyze local partnerships; facilitate transboundary working contacts; review the jointly developed vision for the transboundary protected area “Sharr/Šar Planina – Korab” and identify funding opportunities for future local transboundary projects.

The meeting was organized by the Ministry of Environment and Physical Planning of the Republic of Macedonia in cooperation with the Macedonian Ecological Society, UNEP (Vienna Office) and EuroNatur – Germany.Министрите од регионот на трилатерален состанок на Попова Шапка

Министрите за животна средина на Македонија, Косово и Албанија, заедно со претставници од локалните власти во регионот, претставници на УНЕП канцеларијата од Виена и германската фондација Еуронатур в четврток на 7 ноември на Попова Шапка по вторпат ќе разговараат за идните развојни чекори во однос на предложеното прекугранично заштитено подрачје „Шар Планина – Кораб – Дешат“.

Предложениот состанок претставува продолжение на првиот трилатерален состанок на заинтересираните страни, одржан во 2011 година на истата локација по иницијатива на УНЕП канцеларијата во Виена. Според студијата за изводливост на УНЕП, објавена во 2010 година, предложеното прекугранично заштитено подрачје „Шар Планина – Кораб – Дешат“ има потенцијал да стане најголемото заштитено подрачје во регионот на Југоисточна Европа и едно од најголемите во Европа.

Покрај ова во текот на 2013 година организацијата Еуронатур од Германија во соработка со Македонско еколошко друштво и заинтересираните страни од овој регион, подигна нова иницијатива за креирање визија која ќе претставува темелник за иден развој на предложеното прекугранично заштитено подрачје „Шар Планина – Кораб“.

Овој трилатерален состанок по втор пат ќе ги обедини претставниците од Албанија, Македонија и Косово, со цел забрзување на соработката, олеснување на трилатералните комуникации и консултации меѓу заинтересираните страни, идентификација на соодветна заштита на природата и развој на заеднички приоритети за прекугранична соработка во регионот.

Во рамките на средбата ќе биде ревидиран и одобрен зеднички изготвениот документ – Визијата за предложеното прекугранично заштитено подрачје „Шар Планина – Кораб“, кој беше подготвен во 2013 година.

Средбата е под покровителство на Министерството за животна средина и просторно планирање на Република Македонија, со поддршка на УНЕП канцеларијата од Виена и германската фондација Еуронатур во соработка со Македонското еколошко друштво.