Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Имаме нов рис! На 12 февруари 2020 година тимот рисаџии од Македонското еколошко друштво (МЕД) со помош на кафез-замка залови нова единка од реткиот балкански рис во месноста Буковиќ, близу Стража. Во постапката за успивање и земање биометриски податоци и примероци од влакна и крв помагаа претставник од Факултетот за ветеринарна медицина од Скопје и ловџиите од ловното друштво „Сокол-З“ од с. Зајас. По извршената постапка се утврди дека единката е здрава женка, веројатно на возраст од 2–3 години, тешка 15 kg.

Ова е втора рисица (по Маја) што ќе носи околувратник и ќе биде пратена со методот на радиотелеметрија и GPS-следење. Со ова го збогатуваме нашето знаење за распространувањето на рисот, и за неговите потреби од храна и живеалиште. Рисицата претходно беше снимена лани на истиот локалитет со помош на фотозамки. Таа засега е во добра состојба, а тоа го потврдуваат и првите лоцирања со помош на GPS-сигнал, кои ни го открија и нејзиниот прв плен – срндак уловен 4–5 дена по обележувањето.

Честа да ја именуваат рисицата им припадна на нашите пријатели од ЛД „Сокол-З“, кои одлучија оваа убавица да ја крстат Нарциса. Нарциса, ти посакуваме богат плен и голем пород!

Од 2010 година па наваму, МЕД има заловено и ставено околувратник на вкупно осум единки рис, со кои стекнавме вредни податоци за однесувањето на ова таинствено животно.

 

 

Почнете да пишувате и стиснете Enter за да пребарате