Во рамките на Програмата за закрепнување на балканскиот рис тимот на МЕД го започна своето едукативно патување низ Западна Македонија. Едукативната турнеја помина низ селата Вејце и Шипковица на Шар Планина како и Врбјани во Маврово. Предизвикот да се предава на албански и на македонски јазик го надминавме со вклучување на нашата партнер организација ППНЕА од Албанија.

Тимот на МЕД соработуваше со над 20 наставници и околу 400 деца. Преку едукативниот пакет децата имаа можност да научат нешто повеќе за екологијата и биологијата на рисот, како и за начинот на истрaжување на терен за потоа да го покажат наученото низ игра и решавање задачи.

Тимот на МЕД е особено благодарен на целата подршка од училиштата, наставницте и локалното население.

Start typing and press Enter to search